Profil de Bianca心靈地帶PhotosBlogListesPlus  |  Outils Aide |
|
31/10/2008 旅遊大使今日竟然做了旅遊大使!
話說睇完牙12點鐘回公司段路中途突然有個鬼佬問我AP1在哪裡有巴士站, 佢趕住搭飛機. 我帶左佢去白鴿bill對面個巴士站睇, 無; 問一個男人, 佢話葡京對出既圓地有, 我帶佢去, 又無; 再問人話原來AP1唔再行呢邊線, 要去到碼頭先有得搭; 佢話想去搭shuttle bus去碼頭再搭AP1, 因為佢得返$2X港幣搭唔到的士; 我帶佢去葡京門口等shuttle bus, 我問佢幾多點機票, 佢話兩點, 送佛送到西, 最後我俾左我出糧前最後的一百蚊佢搭的士...一路順風~
其實問到人話最近碼頭先有得搭巴士去機場時已經想俾錢佢搭的士, 就係因為呢張一百蚊係我今個月謹餘既錢我先考慮咁耐. 算啦, 人在異鄉如果遇到咁既情況一定會好徬徨, 一百幾十可以幫到人, 又令佢對澳門呢個地方留下深刻既印象都算超值. 不過而家諗返, 都唔知佢係咪輸哂d錢所以先無錢搭的士, 哈哈...
呢個鬼佬都幾靚仔架, 三十零歲, 又高, 身型又fit, 德國人但而家住o係曼谷, 不過我唔係因為佢靚仔先咁幫佢, 我返公司之後好認真咁諗過如果問路既係女人我都一樣會咁. 越大越驚睇牙真係好佩服牙醫!
牙醫個鑽的聲音真係好恐怖! 每次睇牙的半小時至一小時基本上我都係處於精神極度tense的狀態!
好似今日我去睇牙, 明明全程都無痛過, 醫生都講明話唔會痛, 但聽到超大既鑽野聲+feel到係鑽緊自己既牙就已經令我陷入極度恐慌的狀態!
有時補牙仲恐怖, 你唔知佢鑽到幾時你會feel到痛仲嚇人!!
真係好羨慕牙牙好健康的人! (都怪自己懶刷牙...)
所以次次睇到 "牙齒陪伴我們一生" 的廣告都好有感觸. 被咬後感被咬日期: 2008/10/26
被咬時間: 晚上8時
被咬地點: 朋友M家
被咬原因: 不詳 (無謂深究狗的思想)
被咬經過: 在打算離開前被牠從後連環突襲兩次
被咬心情: 出奇平靜
被咬後感:
被狗咬個感覺係咁...(很難在這詳述, 感覺已深深刻在腦海裡)
亦原來被狗咬個傷口係唔應該包紮... 以下是醫務人員的解釋:
狗的口水是有很多細菌的, 但這些細菌怕空氣, 所以被咬傷後消毒完便應盡量令傷口通風, 不要用紗布或膠布蓋住傷口, 不然傷口便很容易受細菌感染而發炎.
我包了傷口一晚, 所以醫生幫我打了防疫針之餘還要我吃7天消炎藥...
自從三年前被滾粥燙傷手背, 今次的經驗又再一次證明受了從未受過的傷後一定要先去看看急診, 等專業的醫務人員為我提供治療~
P.S. 順道說說小面積被燙傷後的應急處理: 先立即用流動的水(長開水龍頭)為傷口降溫15-20分鐘, 這樣處理便可大大減低起泡的機會, 之後去看急診等醫務人員幫忙洗傷口和包紮. 22/10/2008 寄情工作&運動九月頭買了一部健身單車, 終於等到去香港那天才送到, 而且等到現在回來才有時間組裝
...
..
.
砌左一個鐘終於攪掂...
朋友HM話運動可以令人開心啲。由今日開始, 希望我朝早日日做野, 返到屋企日日踩單車可以將我唔開心既野發洩哂... 回到家中回到家中是最舒服的~ 呵呵~
去了香港四日，又重左...omg......
次次去香港其實都唔會去好多地方，因為每次主要既目的都係探下我啲屋企人。好幾個月無見阿姨，見到佢同我剛剛一歲的表姨生玩叫婆婆啦~婆婆啦~突然諗起我阿婆，亦真係覺得佢老左好多，而且身體都麻麻地，好彩都唔算太差。
另外，今次去香港跟朋友S去左佢朋友的b'day party，識左啲新朋友仔，算係有別於一般的探親團。雖然又飲大左，唉，算啦，唯有以後再克制啲...
還有聽日最後一日的假期，要好好把握，休息埋聽日又要繼續努力工作！ 21/10/2008 女人二十和三十 - 張小嫻 女人二十歲的時候，男孩子把汽水罐的拉環當做戒指，套在她的無名指上，她覺得非常浪漫。到了三十歲，如果仍然收到這份禮物，她會覺得可笑，也實在可悲。這個時候，她希望收到鑽石戒指。
女人二十歲的時候，愛上才子，欣賞他不吃人間煙火、有理想。到了三十歲，她開始埋怨這位才子不切實際，不肯腳踏實地。
當女人二十歲，她願意跟男人浪跡天涯。到了三十歲，她要求他最少有一所房子。
女人二十歲的時候，不介意沒有結果的愛情。到了三十歲，她不肯再投入沒有結果的愛情，她要婚姻。
當女人只有二十歲，你向她求婚，她多半會拒絕你。到了三十歲，她很徬徨，心裡想：「他為什麼還不向我求婚？」
女人二十歲的時候，你送她一枚「天長地久」的手表，她非常感動，把它當做彼此的盟約。到了三十歲，如果仍然收到「天長地久」，她會埋怨你不夠愛她，或認為你吝嗇。她認為要是世界十大名表之一，才有誠意。
當女人只有二十歲，她喜歡一切深色，尤其黑色的衣服，對所有彩色斑斕的衣服，深惡痛絕。到了三十歲，她突然不想穿黑色，因為她可以穿七彩斑斕的衣服的日子所餘無幾。
當女人只有二十歲，她覺得外在美最重要，青春無敵。到了三十歲，她改口說內在美最重要，青春是犯錯太多的日子。
女人二十歲的時候，看不起三十歲的女人，認為她們太老。到了三十歲，她又看不起二十歲的女人，認為她們沒有智慧。
當女人只有二十歲，她非常驕傲，連男人一個缺點都不能容忍。到了三十歲，她謙虛得多，寬容得多，明白人總會有缺點，她肯將就。 怎麼計算亦難料沉迷程度以為會一輩子迷戀，原來熱情早已冷卻；
以為可以抽身離去，原來還是不能自拔。 18/10/2008 Take a break 18/10-22/10辛苦左兩個月終於可以休息5日~
其實好想做完自己跟緊既工作先放假, 但無奈真係唔夠時間完成, 算啦, HB係無做得完既工作, 唔放鬆下好易痴線~
放假既興奮心情其實不大, 反而最期待係幾日後你返黎~ 唔知你有無認真諗過自己想點呢? 不過以你既性格我都唔會抱太大期望, 我唯有繼續見步行步啦~
其實今日好開心(好耐未試過), 我放工超眼訓返到屋企就收到你電話! 咁難得心情咁好, 一定要記低呢件事~
本來取消左去旅行就打算5日都留o係澳門hea, 但今朝諗諗下不如去香港幾日探下阿姨表姐表妹姑姐阿叔...etc, 陪下佢地, 又可以自己行下街買下野, 或者去d我未去過既地方行下...
好, 明天向香港出發! SHCC 70周年聚餐 - 倒數一個月當年Form 5畢業係60周年, 話咁快十年, 又到70周年!
十年來我都無返學校睇過, 亦極少參與舊同學聚會, 但今年個聚餐攪到咁大, 兩個好朋友又去, 所以我都會一齊去~
突然諗到, 唔知到時駛唔駛著得formal少少呢? 我諗都係著條裙去搵陣d, 當然唔係誇張到著哂晚裝, 但都無理由著T-shirt牛仔褲, 你地話係唔係?
早排話就話已經開始減肥, 但都係懶懶閑 (今餐本來plan左食代餐, 但睇完牙又忍唔住買左一堆咖哩junk food返屋企食, 仲食到鬼咁飽...唉), 而家先諗到原來時間緊迫, 真係唔可以再忍唔到口! 話哂有好多舊同學都好耐無見, 到時點都要以最fit既狀態去見佢地!! 講下講下講到好似要去選美咁, 哈哈...relax......
另一個問題就係化妝, 呢個真係我個弱項, 我好羨慕好識化妝既朋友, 化個靚妝起碼加20分! 我有自知知明, 我自己化妝唔被扣分都已經偷笑, 我諗當日都要plan下時間俾錢人幫我做make-up.
不過最緊要都係減到肥先有心機辦靚, 仲有一個月時間, 加油!!! 05/10/2008 我的命運 - 籠藏之雞籠中之鳥, 飲食自然有人供給, 猶如人得家庭庇蔭, 衣食無憂, 但不免飽食終日無所用心, 縱有大志, 客觀環境亦不容你振翅高飛, 一生平淡是福~
so interesting... 失而復得 - 感謝你們!真的不能相信可以拿回遺失了的銀包, 而且是連錢也在裡面!
雖然要重新辦領已停用了的信用卡和提款卡, 但多張証件和珍貴的相片可以失而復得, 我已心滿以足!
感激之情實非言語和筆墨可形容!!
感謝發現我銀包的澳巴車長, 路不拾遺和敬業樂業的精神實在值得嘉許!
再感謝一班勞苦功高的澳巴職員致電各個機構尋找聯絡我的方法!
最後要感謝誠興銀行ATM部的胡先生幫澳巴通知我已尋回失物!
最後最後, 請容許我再說一聲: 多謝!
02/10/2008 改變, 適應, 調節不經不覺已經被借調了去HB Team七七四十九日
雖然是同一個部門, 但工作時間 環境 性質也跟過去三年零八個月所在的工作崗位有所不同
工作時間方面, 以前要輪班, 連續工作十二小時便休息二十四小時, 另加一日週假之後其實每星期只上班四天; 現在每天朝十晚六, 一星期上班六天.
工作環境方面, 以前就像在分行工作的職員, 分行只有三至五人, 自由自在; 現在每天在總行的辦公室工作, 圍在身邊的同事變多了, 而最可怕的是所有上司也在附近.
工作性質方面, 以前做出納性質的工作 (忙的時候便是搬運工人) 只要小心不出錯便可以了, 不太需要用腦, 亦不會有留到明天的工作; 現在的工作要經常思考, 處理文書, 而且永遠也有做不完的工作.
在新工作崗位上班頭一天, 我感覺好像回到以前讀大學的艱辛日子...
這樣的改變確實增加了我很多壓力, 一來要適應那麼多改變, 而且亦希望自己可以快點跟上其他同事的進度.
不過, 既然有這樣的一個機會, 我自覺也很幸運, 所以亦不想白白放棄. 跟Team的同事相處也很融洽, 也令我放下心頭大石 (因一向也最怕處理工作上的人際關係)
現在, 我還在慢慢調節自己的生活方式, 不想再枯負那些對我有期望和不斷幫助我的人. 01/10/2008 取消旅行本來打算今個月放假同朋友L他們去旅行, 但而家所有証件都不見了, 又唔見錢, 已經無心機去lu...
還有一個原因, 係關於朋友L, 不過唔方便同全世界講, 希望日後自己睇返會記得係乜~ 禍不單行之銀包都唔見埋呢排已經煩到個腦就黎爆炸, 今朝原來唔見埋用左十年既銀包, 仲要到夜晚先知, 真係諗唔到用咩形容詞黎形容我而家既心情...
個銀包被我用左十年仲未爛, 點知落得既下場係比我唔見左, 真係對佢唔住...唉!
朋友M小姐話個銀包係時候要換, 朋友S先生話我點都唔會再衰, 朋友V先生叫我唔好咁怪責自己...
經各位好朋友安慰一輪後, 總算心情平服返, 希望我呢個困局真係可以谷底反彈 |
|
|
